Siaha district MJA conf.

Mizoram Journalist Association (MJA), Siaha district chuan, nimin khan Siaha DIC conference hall-ah Annual Conference vawi 33-na an hmang a, MJA general headquarters president Vanlalrema Vantawl leh Siaha-a IPRO N Vabeiriatlua ten an hmanpui.

MJA President chuan, Siaha district MJA member-te chu inchawi­mawi tawn a, ṭang rual thiam turin a chah a, "Welfare ûm luatah journa­lism-a kan ṭobul leh kan ethics kan kalh palh thei tih kan hriat a ṭul a, fimkhur a ṭul. Journalism-in mawhphurhna a ken telte hre rengin, hriat zauna kawngah leh tunlai khawvel mila leh hmasawn zel turin kan ṭang sauh sauh tur a ni a, ram khalh ngiltu nih hi journalist-te intlansiakna tur a ni," a ti.

Siaha district MJA conference hian resolution an pass a, 'Siaha Greater Water Supply Scheme, Tuitlawk lui pump tur hi a taka mipuiin an chhawr theihna turin sorkarin electrification hi min tihfelsak rawh se' an ti. Siaha district MJA-ah hian member 13 an awm mek a ni.