Hindi zirtirtute harsatna hi sorkar mualphoah-naah kan ngai - MNF
MNF chuan thuchhuah siamin, CSS hnuaia Hindi zirtirtute harsatna Congress party-in an hriatthiampui thu leh an lainat thu sawi a, nuar mekte chunga hriatthiamna an ngen chu Congress sorkar tan mualphonaah leh thil zahthlak tak a nih thu an tarlang.
MNF thuchhuah chuan, an party-in sorkarna an chan kum 10 chhungin CSS a ni emaw, SSA leh sorkar hnathawk dangte'n hlawh lak theih loh an nei ngai lo niin a tarlang a, "Ṭul bik thilah phei chuan hlawh kha advance-in an la hial zawk ṭhin. CSS Hindi teacher-te hlawh thla 10 lai an batsak hi Chief Minister leh Education Minister inthlahdah vang te, zirna an ngaih pawimawh loh vang leh a ngaihna an hriat loh vangah kan ngai," an ti.
MNF party chuan, CSS Hindi zirtirtute chu an lainat tuh sawiin, a rang thei ang bera an thil phûtte tihhlawhtlinsak thuai turin sorkar a ngen a; Chief Minister-in a nihna MNF president Zoramthanga kian ngamin, School Education Minister-in a nihna MNF vice president Dr R Lalthangliana kian ngam bawk se chuan, thla ruk ral hmain
CSS Hindi zirtirtute harsatna chu chinfelsak a nih ngei tur thu an tarlang bawk.