Industries-a thawkte'n khawmpui hmang

Mizoram Industries Ser­vices Association (MISA) chuan nimin khan IPR conference hall-ah khawmpui an hmang a, Commerce & Industries director J Hming­thanmawia'n a hmanpui.

J Hmingthanmawia chuan thawktute fuihna thu sawiin, "Kan hnathawh a sang emaw, a hniam emaw pawh ni se, phûr leh nuam ti taka thawh tluka hlu a awm lo. Sorkarin hlawh min pek hi ka phû em tih kan inzawh fo a pawimawh," a ti a; mipuite vanga hna thawk an ni tih hre renga mipuite dawngsawng ṭhin ṭurin a chah.

MISA inkhawmpuiah hian chawhnu lamah hruai­tu thar an thlang a, president-ah Lalchhandama leh general secretary-ah D Dawngzala te an thlang a ni.