Shaala Siddhi chungchang zirho

National University of Educational Planning and Administration, New Delhi bultumin School Education department, RMSA leh SSA-te chuan nimin khan Lungleia SSA Recreation Hall-ah Shaala Siddhi zirhona an buatsaih. Shaala Siddhi hi sikula zirna leh inrêlbàwlna tihchangtlunna tura sorkar laipui hmalakna thar a ni.

Lunglei DEO Lalramthianghlima chuan, Shaala Siddhi thil tum ber chu, sikul tihchangtlun a nih thu sawiin, zirtirtute chu ni tin mahni inenfiah tur leh sikul dinhmun bih­chiang ṭhin turin a chah a; training-a telte chu thil thar a nih angin, an thil zirte chiang taka hriat tum turin a chah bawk.

Shaala Siddhi chung­chang zirhona hi Lung­lei district-a neih vawi khatna a ni a, Lunglei khawpui chhunga higher secondary school, high school, middle school leh primary school 45 aṭangin sikul aiawh zirtirtu 45 an tel.