Sorkar laipui scheme-te thlirho

Champhai District Development Coordination & Monitoring Committee chu, nimin khan an chairman CL Ruala, Lok Sabha MP hoin Champhai DC conference hall-ah an ṭhu-

khawm a, sorkar laipui scheme hnuaia hmalakna hrang hrangte an thlirho.

CL Ruala chuan, Swachh Bharat hnuaia Mizorama ODF district hmasa bera Champhai puan a ni chu lawmawm a tih thu a sawi a; Champhai district-in inbiakpawhna leh internet-a harsatna a tawh chungchang chu Telecom department-te a titipui tawh thu sawiin, "An khawl mamawh ang Aizawlah a awm tawh a, March thla chhung hian internet ṭha zawk beisei a ni," a ti.

Meeting-ah hian, BADP atana sum pek chhuah mumal loh thu meeting-ah hian tarlan a ni a; chu chu en zui a, sum ṭha zawka pek chhuah a nih theih nan bawhzui an rel.

Meeting-a tarlan dan­in, MGNREGA hnuaiah Champhai district-a job card nei mi 28,231-te tan ni 17 inhlawhna siam a ni tawh a; IWMP hmalaknain chhungkaw 284-te'n tlangram lo neih an bànsan tawh.

Meeting-ah hian Champhai district-a MLA panga zinga pahnih - TT Zothansanga leh Lalrin­liana Sailo te an tel.