Sangkunga'n sawrkar sum a hmang lo - MPYCC

Congress party ṭhalaite chuan thu­chhuah siamin, MLA T Sangkunga'n Mizoram Youth Commission (MYC) chairman a nih laiin Dinthar Venga a inah hostel tur chei nan sorkar sum nuai 150 a hmang lo niin an tarlang.

MPYCC thuchhuah tarlan danin, T Sangkunga'n a ina hostel siamna atan cheng nuai 150 a hmang anga media-a lang chu financial year 2015-16 chhunga MYC-in IAS leh SSC coaching class kalpui nana sorkar aṭanga a dawn a ni. IAS coaching fee atan cheng 84 leh SSC coaching fee atan nuai 27 chu VSAT hmanga pek chhuah a ni a; licence fee Rs. 5,70,000, Dinthar P/S-I chei ṭhat nan Rs. 16,17,000, back-up generator lei nan Rs. 1,99,000, classroom thuthleng leh furniture atan Rs. 10,33,000 leh VSAT material atan Rs. 4,80,000 hman a ni.

Congress ṭhalaite chuan, sorkar lai­puiin Mizorama CSS hnuaia Hindi zirtirtute thla 10 hlawh a pek tawh loh vanga an harsatna hriaa Mizoram sorkar­in state sum aṭanga an thla li hlawh leh thla khat hlawh a pek bâng Rs. 10,000 ṭheuh pe tura a tifel chu lawmawm an tih thu an tarlang.