MP Vena’n zirlai lawmpuina hmanpui

Rajya Sabha MP K Vanlalvena chuan nimin khan Mizo Zirlai Pawl (MZP), Sailulak Branch-in an khuaa Zakapa Hall-ah an khuaa zirlai ti ṭha chawimawina hun an buatsaih a hmanpui a, zirlaite chu ṭhahnemngai leh tih tak zetna nena zir zel turin a fuih.

K Vanlalvena chuan, Sailulak chu lehkha thiam khua tih an nih ṭhin thu sawiin, an khaw tiatpuiah lehkha thiam chhuah tamna ber khua a nih a rin thu a sawi a, “Hlawhtlinna hi hmelṭhatnaah te, pian nalhnaahte a awm lo a, taima tak leh tumruhna nena bei tlatteah a awm zawk. Zirlai tawh phawt tan chuan zirna ngaih pawimawh ber a pawimawh a, chutiang nei tur chuan keimahniah Pathian thu a awm reng a pawimawh,” a ti.

Sailulak khuaah hian nikum khan BA pass pali, pawl 10 pass 17 an awm a, hmun danga awm pawl 10 pass pahnih an awm bawk.