Minister-in Kawrtethawveng tlawh

Rural Development minister Lalruatkima chuan nimin khan Kawrtethawveng BDO pisa hmun tur a tlawh a, Kawrtethawveng Village Organisation tan puanṭhui khawl panga a sem nghal.

Lalruatkima chuan, khairual taka hmasawnna a awm theih nan mihring pung zawnga kal a ṭul thu sawiin, “Tunah chuan kan birth rate aiin death rate a sang zawkin a lang a, a pawi hle. Fa neih tam lama ṭan la thara kum upat lutuk hmaa nupui/pasal kan neih hi mihring kan pun chak leh zual nan a ṭangkai dawn a ni,” a ti.

Minister hian MzSRLM hnuaia Kawrtethawveng Village Organisation chhunga SHG-te a tlawh a, puanṭhui khawl panga a sem a ni.