Swab sample 16,396 endik tawh

July 11, Inrinni tlai dar 5 thleng khan Covid-19 vei leh vei loh hre turin Mizoram aṭang­in swab sample 16,396 endik a ni tawh a, chu'ng zinga mi 227 chuan Covid-19 hripui an vei tih hmuh chhuah a ni. 

Mizoram aṭanga swab sample endik tawh dan chu - endikna hmasa ber National Institute of Cholera and Enteric Diseases (NICED), Kolkata-ah panga, Guwahati Medical College-ah 12, Silchar Medical College-ah 41, Zoram Medical College-ah 15,816 leh Lunglei Civil Hospital laboratory (Truenat-PCR)-ah 522 a ni.

Covid-19 vei hmuh chhuah dan chu - Guwahati Medical College-ah Mizorama vei hmasa ber hmuh chhuah a ni a, Zoram Medical College-ah mi 215 leh Lunglei Civil Hospital Truenat-PCR hmangin mi 10 hmuh chhuah a ni bawk.

Hetih lai hian, Mizoram luhka hrang hranga enfiah (screen) tawh zat chu mi 1,31,581 an ni a, rapid antibody test (RAT) hmanga endik mi 16,628 an awm tawh a ni.