Thenzawl mi an negative nawn
State páwn aṭanga rawn haw Lawngtlai district mi pahnih, a hnua Covid-19 vei tih hriat chhuahte Thenzawla thingpui dawra an chawlh vang leh nepnawi dawra thil an lei vanga dawr neitute leh nghaktu mi 12-te swab sample chu endik nawn a ni a, nimin zing khan result hriat niin, Covid-19 an kai lo vek.
Thenzawl mi 12-te swab sample hi July 4, 2020 khan lâka endik a lo ni tawh a, Covid-19 an kai lo tih hmuh a ni. Fimkhur thilah July 10 khan an swab sample lâk nawn leh niin, nimin zing khan Covid-19 an kai lo tih finfiah nawn a ni.
Lawngtlai district mi Covid-19 vei mi pahnih Thenzawla an chawlh avang hian Thenzawl Town Task Force Committee chuan tiam chin awm lo total lockdown an puang a, Serchhip DC pawhin July 13 thleng total lockdown a puang bawk.