AAP din tumtute inhmukhawm

Mizorama Aam Aadmi Party (AAP) din tuma hma latute chuan May 28, Inrinni khan Aizawla MZP Conference Hall-ah vantlang inkhawm an buatsaih a, Mizorama district hrang hrangah member tur zawngin an zin kual dawn tih an sawi.

AAP puala vantlang inkhawmah hian mi 80 chuang an kal khawm a, organising chairman Andrew Lalremkima'n a kaihruai. Organising secretary Joseph Biakthianghlima'n AAP anga Mizorama hma an lâk tawhna a sawi a, district hrang hrangah membership drive neih mek a ni a, hmasawnna an hmuh thu leh Information Technology Cell an din thu a sawi.

Inhmuhkhawmnaah hian AAP, Mizoram Organising Committee chu district hrang hrangah zin tura an inbuatsaih mek thu sawi a ni a; AAP-ah eirukna do ngamtute tan lo chuan hmun awm lo se an duh thute sawi a ni bawk.