C Lalsawivunga'n kawng thar a hawng

Aizawl South-II bialtu MLA C Lalsawivunga chuan a MLA fund Rs 16,05,000 hmanga a bial chhung, Bethlehem Vengthlanga kawng ft. 442-a sei siam thar chu May 28, Inrinni khan a hawng. Kawng siamah hian retaining wall ft. 263 siam pawh a tel a ni.

Bethlehem Vengthlang Local Council chairman C Daniala kaihhruai hawnna inkhawmah C Lalsawivunga chuan, kawng siam hna thawktute'n hlêp leh hlawh beisei loa veng chhung hmangaihna avanga an thawk chu lawmawm a tih thu a sawi. Kawng siam a nih theih nan hian mi pathumin an ram an pe a ni.