Football champion lawmpui

Khelo India National Football Competition neih zawh taka champion, Mizoram team-te lawmpuina hun nimin khan Sports & Youth Services secretary HL Rochungnunga pisaah buatsaih a ni.

HL Rochungnunga chuan, Central service-a tlingte'n Mizo hming an tiṭha ṭhin a, mahse, Mizo hming tiṭha leh zual ṭhintute chu infiammite an ni tih a sawi a, "Tribal quota awm ve lohnaah state changkang leh lian, hausa zawk site nen theihtawpin kan inel a, hnehna changin India ram champion kan ni thei hi a ropui a ni," a ti.

Inkhawm hi Mizo­ram State Sports Coun­cil secretary C Lal­tlanthanga'n a kai­hruai a; thusawitu dang, MFA honorary secre­tary Lalnghinglova Hmar chuan, sorkar leh association-te inrelbawlna a dik phawt chuan Mizote hian theihna ṭha tak an neih vangin result ṭha tak tak an neih theih reng dawn thu a sawi.