KHAWTHLIR

Ganja man
Excise & Narcotics department-a Anti-Narcotics Squad-te chuan March 1, 2017 zan dar 8:30 khan Aizawl Tennis Court bus stand-ah ganja kg. 33 leh a neitua puh mi pahnih - Niangzadim (50) w/o Pauzasiama, Bawngkawn (Lunglei Road) leh Thanglamchin (27) s/o K Zasiama, Teikhang, Champhai district, Venghnuai (Aizawl)-a khawsa mek nia inchhál an man. NDPS Act, 1985 tlawhchhanin thubuai siamsak an ni.

IKK hruaitute
Isua Krista Kohhran general headquarters executive secretary-te chuan nimin khan mawhphurhna an inhlan. Mawhphurhna inhlanna inkhawm hi IKK Assembly chairman Upa Lalremliana'n a kaihruai a; Rev. Lalthuamliana chu senior executive secretary atan lak luh a ni a, Rev. V Lalnghaksanga chu executive eecretary atan lak luh a ni.

Agri. Director
Agriculture deptartment joint director ni lai J Lalzamliana chu March 2017 aṭangin Agriculture director (Crop Husbandry)-ah a kaisang a, a hna thar hi a zawm nghal.

Photo Exhibition
Chapchar Kut pualin Art & Culture department, IPR department leh Mizoram Photographers Society-te'n nimin aṭang khan Vanapa Hall-a Photo Exhibition an buatsaih a, IPR director Lalnithangi'n a hawng.

Lei tlawh
Kolasib bialtu MLA PC Zoram Sangliana chuan, nimin khan Bairabia Tlawng lei dawh mek a tlawh a, hnathawktute chuan hna zualpui zawh-fel a nih tawh thu an hrilh a, "April-ah chuan lirthei eng pawh kal theih turin peihfel tum a ni," an ti.