Aizawlah Chapchar Kût Run buatsaih

Vawiin Chapchar Kût pualin nimin zing khan Aizawlah Chapchar Kut Run buatsaih a ni a, Sikulpuikawn leh Chanmari aṭangin Lammual thlengin mi eng emaw zat an tlân.

Lammuala a tâwpna khawmnaah IPR minister Lal Thanzara khuallian a ni a; Minister chuan, "Mizote'n kût kan neih zinga ropui ber leh huapzo ber, Chapchar Kût lawm tura sorkar leh Central YMA inbuatsaihna a ropui hle. Mizo mipuite rilrua Chapchar Kût vawrh lâr leh vawn nun zel hi sorkar duh dan a ni," a ti.

Chapchar Kut Organising Committee secretary Lalhmachhuana, CYMA general secretary sawi danin, Chapchar Kut Run-ah hian Aizawl khawpuia YMA branch 70 aṭangin member 10 ṭheuh an tel a ni.