KṬP Rorel Inkhawm ṭan a ni

KṬP General Confe­rence awm loh kuma neih ṭhin, KṬP Rorel Inkhawm vawi sarihna chu nizan khan Bawngkawn Pres­byterian Kohhran biak-inah ṭan a ni a, Pathianni zanah a ṭiak ang.

KṬP Rorel Inkhawm ṭan zanah hian report hrang hrang ngaihthlak a ni a, Synod senior executive secretary Rev. Lalramliana Pachuau-in kumpuan thupui 'Thlen chin aṭanga hmasawn' leh kumpuan puala Khatla Branch KṬP-in film an siam, 'Project H2B (Lamlian Thianghlim) tih chu a tlangzarh.

Vawiinah Central KṬP leader Rev. Zothansanga kaihruaiin nilengin rorel inkhawm neih a ni dawn a, rorelnaah hian KṬP branch leh bial tin aṭangin palai pakhat ṭheuh an tel ang. Zanin aṭanga Pathianni zan thlengin vantlang inkhawm a awm dawn a ni.