June 10-ah Green Mizoram Day

State Committee on Green Mizoram chu nimin khan an vice chairman TJ Lalnuntluanga, Environment, Forest & Climate Change minister hoin PCCF conference hall-ah an ṭhu khawm a, Green Mizoram Day (June 11) chu June 10-a hman an rêl.

Green Mizoram Day hi June 11 a ni a, kuminah Inrinniah a tlak avangin June 10, Zirtawpniah hman tura rêl a ni. Day thupui chu, ‘Thing phun la, tuihna siam rawh’ tih a ni a, sorkar department hrang hrangte chu kum hmasa lama an thing phunte tuaihnûm tura beisei an ni.

Nimina ṭhutkhawmah hian, Green Mizoram Day hmannaah tuihna humhalh leh tihpun nan thing phun uar a ṭulzia leh a zau thei ang berin mipui leh zirlaite hnenah awareness programme neih ni se, an ti.