Grape chíngtute harsatna sukiang turin BJP President-in sorkar a ngen

BJP, Mizoram Pradesh president Vanlalhmuaka chuan, sorkarin grape rah aṭanga tui siam chhuah a man chu pawi a tih thu sawiin, grape chíngtute harsatna sukiang rang turin Mizoram sorkar a ngen.

Vanlalhmuaka hian nimina an party pisaa inkhawmah thu sawiin, grape chíngtute'n an eizawnna atana an hman grape rah aṭanga tui siam chhuah mansak an ni ta mai hi a pawi tak zet. Grape wine an khap dawn a nih chuan grape chíngtute harsatna sutkian dan tur rang taka ngaihtuah turin Mizoram sorkar ka ngen a ni," a ti.

Mizoramah sorkarin miretheite tan harsatna an siam ṭhin a, BJP erawh chuan kut hnathawktute leh miretheite tan hma lain an thawk ṭhin thung nia sawiin Vanlalhmuaka chuan, "Tunlai hian kut hnathawktute'n an thawh rah sengin an thlai thar tam tak an seng mek a, Mizoram sorkarah an thawh rim rahte an hralh theih nan puihna an dil ṭhin a, mahse, an hlawhchham ṭhin. Kut hnathawktute tan chuan hmalak chhunzawm zel pawh châakawm loh khawp a ni mai ang tih a hlauhawm ta," a ti a; Mizoram hmabak a thim hle niin a sawi.

BJP President chuan, MNF chu an nihnaa chiang ngam lo an nih thu sawiin, "MNF-in central lamah nasa takin NDA zawm intiin, an inti-BJP hle a, Mizoramah erawh Congress nen inmawngzawmin dawl zawrin Congress hmaah an zawr leh si hian NDA suak an nihzia a tilang chiang hle. Mahni nihnaa chiang ngam lo ram hruaitu kan nei reng hi a pawi tak zet," a ti.