Chite lui humhalh dan tur sawiho

Save Chite Lui Coordi­nation Committee chu an chairman Dr Renu Sharma, chief secretary hoin nimin khan CS conference hall-ah an ṭhukhawm. Chite lui humhalhna atana Aizawl Central Presbytery nen thawhhona an siam tawh, hripui léng vanga bawhzui mumal tâk loh chu chhunzawm leh dan kawng zawn an rél.

Ṭhutkhawmah hian Chite Lui Act/Rules-in a phût angin, kumin June thla chhung ngeiin Save Chite Lui Coordination Committee chu society-a leh an rél a; June thla chhungin Comprehensive Action Plan ruahmanna siam tawh sa en ṭhaa siam puitlin ni se tiin, bawhzui turin Principal Chief Con­servator of Forest an ruat.

Save Chite Lui atana sum hmuh tawhte leh an hman tawh dan ṭhenkhat tarlan a ni a; sum hman bâng awm chu a hman dan tur rawtna siam ni se, an ti a, ngaihtuah turin Aizawl DC hoa ṭhukhawmin sawiho ni se, an ti.