END-in heroin an man

Excise & Narcotics department (END) chuan May 29, Pathianni tlai dar 3:10 khan Hunthar Vengah heroin gram 262 (hawng 20) leh a neitu pathum - Vanneihmawii (22) d/o Engliana (L), Phunchawng Mel-7, Lalṭhazuala (26) s/o H Lalrinawma, Champhai Vengthar leh C Lalrinliana (29) s/o Piangchungnunga, Phunchawng nia inchhálte chu an man.

END enforcement-te chuan tun hnaiah Mizoram hmun hrang hrangah heroin an man a; chawlhkar liam ta, May 22-28, 2022 chhung khan Serchhhipah heroin ṭum nga manin, a vaiin gram 88.030 a ni a, Lungleiah tum hnih - gram 38.680 leh Siahaah ṭum khat - gram 13.620 an man bawk.

Mizoram hmun hrang hrangah heroin man tur a awm tâk reng avang hian END chuan Mizoram mipui, tlawmngai pawl leh kohhran hrang hrangte chu ruihho leh a kaihhnawih leh ruihhlo zuartute dap chhuahnaah an theih ang anga END ṭawiawm zel turin an ngen a ni.