Central Jail-ah Chapchar Kût

SHALOM leh Priso­ners Welfare Commi­ttee ṭangrual huaihawtin, Inrinni khan Central Jail-ah tángte'n Chapchar Kût an hmang.

Kût hi SHALOM director Dr Chawnglung­muana'n a kaihruai a, Central YMA president Lalbiakzuala chu Kût Pa a ni. Lalbiakzuala chuan, YMA chu ram leh hnam tana hna thawktu a ni tih sawiin, thil dik lo titute man chhuah an nih vanga jail táng pawh an awm nual tih a sawi a; tángte chu mahni insiam ṭhat tum tur leh an thil thiamte hman ṭangkai tum turin a fuih.

Kut Thlengtu K Lawmthanga, Prison DIG pawhin fuihna thu sawiin, jail tàn chu insiam ṭhatna atana hman tum turin a chah a; Chapchar Kût an hman theih dan tur ruahman a ni chu a vanneihthlak tih hre turin a chah bawk.

Kûtah hian Central Jail Veng Branch YMA-in Cheraw leh Sárlàmkai an entir a ni.