Chapchar Kûta tel mi 33 man an ni

March 3, 2017-a Lammuala Chapchar Kut hmannaah khan police-te'n zu rûi leh buaina siam mi 33 an man.

Aizawl Police Station hotute sawi danin, mi 33 an man zinga 18 chu kum tling lo an ni a, an chhungte an hriattir hnuah intiamkamna nen an hawtir a; mi 15 chu lock-up-ah zan khat riah­tir an nih hnuah, Inrinni khan intiamkamna nen chhuahtir an ni.

Police hotute chuan, nikum aiin kumin Chapchar Kûtah mipui an tam avangin police-te tan hna a tam zawk deuh niin an sawi. Excise & Narcotics department chuan Chapchar Kût ni kha dry day-ah a puang a, chuti chung chuan Kût hmannaah zu rui hmuh tur eng emaw zat an awm a ni.

Chapchar Kût hmanna Lammual bul kawngpuiah lirthei, a bikin two wheeler an hûn thuam nasat avangin lirthei tlanna tur kawngpui a zîm phah hle a, traffic jam a nasat phah hle. Hmun ṭhenkhat­ah phei chuan lirthei insûlpelh theihna khawp­a zau kawngpui zuah loin lirthei an dah a ni.