HSSLC 2022-ah zirlai 9,773 an pass

Mizoram Board School Education (MBSE) chuan nimin chhun dar 12 khan Higher Secondary School Leaving Certificate (HSSLC) Examination 2022 result a tichhuak a, zirlai exam 11,908 zinga 9,773 an pass a, pass per­centage chu 82.07 niin, nikum aiin 5.73-in a hniam zawk.

Kumin HSSLC Exa­mination-ah hian exam hmachhawntu zirlai 11,908-te chu regular student 11,784 leh private caididate 124 an ni a; regular-a exam zingah 9,682 (82.25%) pass in, private candidate zinga 81 (68.32%) an pass. Pass zawng zawng zirlai 9,773 zingah hmeichhia tam zawkin, 5,174 an ni a, mi 4,599 chu mipa an ni.

Zirlai pass 9,773 zinga 821 chu distinction-ah an pass a, nikumah mi 1,078 an pass. First division-ah 4,058 (nikumah 4,560), second division-ah 3,559 (nikumah 3,605) leh third division-ah 1,335 (nikumah 846) an pass. Compartmental chance nei zirlai 67 (nikumah 143) an awm a; zirlai 2,068 (nikumah 2,551) an fail thung.

Zirlai pass vekna sikul Arts-ah 56 (nikumah 69), Science-ah paruk (nikumah paruk) leh Commerce-ah pahnih (nikumah 10) a awm. Zirlai fail vekna sikul a awm lo.

Arts-ah Lalrohlui Ralte d/o Lalduhawma Ralte, Synod HSS pakhat­na niin, mark 462 a hmu a; Arts-a top 10-a lang mi 10 zinga pariat chu hmeichhia an nih bakah, pakhatna aṭanga paruk­nate hmeichhia vek an ni. Science-ah Simon Lalremsiama Shangpliang s/o Kyrshanbor Shangp­liang, St. Paul's HSS chu pakhatna niin, mark 469 a hmu a; top 10-a lang mi 12 zinga pakua chu hmeichhia an ni.

Commerce-ah Mercy Lal­tlansangi d/o C Zonun­thara, Oikos HSS chu pakhatna niin, mark 462 a hmu a, top 10-a lang mi 11 zinga pasarih chu hmeichhia an ni bawk.

Arts stream bikah zirlai exam 9,007 (nikumah 8,622) zinga 7,586 (84.22%) an pass a, nikumah 7,520 (87.22%) a ni a, mi 1,363 (nikumah 980) fail-in, compartmental chance nei 58 an awm. Distinction-ah mi 620 (nikumah 792), first division-ah 2,724 (nikumah 3,011), second division-ah 2,965 (nikumah 2,917) leh third division-ah 1,277 (nikumah 800) an pass.

Science-ah zirlai exam 2,212 (nikumah 2,299) zinga 1,667 (75.36%) an pass a, nikumah 2,052 (89.26%) an pass a; zirlai 537 (nikumah 230) fail-in, compartmental chance nei mi pariat an awm. Distinction-ah mi 137 (nikumah 211), first division-ah 1,128 (nikumah 1,311), second division-ah 388 (nikumah 507) leh third division-ah 14 (nikumah 23) an pass a ni.

Commerce-ah zirlai 689 (nikumah 570) zinga 520 (75.47%) an pass a, nikumah zirlai 517 (90.70%) an pass a, zirlai 168 (nikumah 49) an fail. Distinction-ah zirlai 64 (nikumah 75), first division-ah 206 (nikumah 238), second division-ah 206 (nikumah 181) leh third division-ah 44 (nikumah 23) an pass.

HSSLC Examinations 2020-ah hian Arts stream-ah sorkar sikulah 74.49%, deficit school-ah 85.82%, aided school-ah 86.47%, lumpsum school-ah 88.74% leh private school-ah 90.32% an pass a; private candidate zinga 65.77% an pass bawk.

Science-ah chuan sorkar sikulah 62.05%, deficit school-ah 81.90%, aided school-ah 85.71% leh private school-ah 77.61% an pass a; private candidate zinga 66.67% an pass. Commerce-ah chuan sorkar sikulah 61.27%, deficit school-ah 76.11%, private school-ah 84.87% an pass a ni.