Tahan Mizote'n lawmthu an sawi

Mizo Welfare Orga­nisation (MWO), Tahan, Kalaymyo, Myanmar chuan thuchhuah siamin, Chapchar Kût lawmna pui ber, Lammual, Aizawla tel ve tura Tahan Mizote sawm an ni chu lawmawm an tih thu an tarlang a, "Sum leh pai ṭhahnem tak min pai hawtir avang leh kan zinna kalkawng senso hautak tham tak min tumsak vek avangin kan lawm em em a ni," an ti.

MWO chuan, ramria anmahni lo buaipuitu Zo­khawmawi V/C leh ṭha­lai te, Zokhawthar police te, Champhai Police checkpost te, YMA sub-headquarters Cham­phai hruaitute chung­ah te, Chief Minis­ter-in a banglaa zan­riah a buatsaihsak vang te, Aizawla an cham chhunga anmahni buaipuitu zawng zawngte chungah lawmthu an sawi.

MWO chuan, March 23, 2017-ah Tahan-ah Chapchar Kût an hmang ve dawn tih sawiin, Mizoram mipui a tam thei ang berin rawn hmanpui turin an sawm bawk.