Hnathawktute tana hamṭhatna zirho

Employees's State Insurance Corporation (ESIC), Camp Office, Aizawl chuan nimin khan IPR directorate auditorium-ah Emplo­yees' State Insurance (ESI) scheme zirhona an buatsaih a; Labour Employment & Industrial Training (LEIT) secretary Benjamina'n a hmanpui.

LEIT Secretary chuan, Mizo mipuite'n sorkar hnuaiah kher lo eizawnna huang dangahte hna thawktute tan sorkarin hamṭhatna a siamsak chu ngaihven a pawimawh tih a sawi a, "Damdawi-in, sikul, factory leh eng hnathawhna hmunah pawh thawktute tana hamṭhatna tur sorkarin a buatsaihte chu Minimum Wages Act, Employees' Provident Fund leh ESI scheme hmanga dawn leh hmuh theih a ni," a ti.

Seminar-ah hian ESI scheme hnuaia hamṭhatna hrang hrang - medi­cal benefit, sickness benefit, maternity benefit, disa­blement benefit, depen­dants' benefit, confinement expenses, old age medical care, unemployment allo­wance, vocational trai­ning fee, physical rehabi­litation assistance leh funeral expenses-te zirho a ni.

ESI hnuaia hamṭhat­nate hi thla khata Rs. 15,000 leh a aia tlem hlawhte tan dawn theih a ni a; sumdawng leh hnathawhna hmuna mi 10 emaw a aia tam hnathawka chhawrtute chuan ESI scheme-ah hian kumin March 31 ral hma ngeia inziak lut tura hriattir leh ngen an ni.