KHAWTHLIR

Scientist 'C'
Dr Saipari Sailo d/o Sailothanga Sailo, Chhinga Veng chu sorkar laipuia Ministry of Environment, Forest and Climate Change hnuaia Zoological Survey of India-ah Scientist 'C' atan lak thar a ni.

Police training
Nimin khan Mamit district chhunga police station hrang hranga officer-te tan, Mamit SP conference hall-ah training buatsaih a ni a; police hna thawhna kawnga thil pawimawh hrang hrang an zirho. Training hi vawiinah chhunzawm a ni ang.

CM Relief Fund
Mizoram Veterinary Service Association (MVSA) chuan, Chief Minister’s Relief Fund-ah Rs. 1,00,001 an chhung lut. CM office chuan CM Relief Fund chu ṭangkai taka hman a nih tur thu an tarlang.

Secretary-in tlawh
IPR secretary B Lalthanliana chuan nimin khan Mamita DIPR office a tlawh a, harsatna an tawhte a enfiah a, officer leh staff awmna tur quarters sak ṭhat dan tur leh siamrem a nih theih dan tur thawktute nen an sawiho. IPR Secretary chuan DIPRO staff-te chu ṭha taka an hna thawk tur leh hun vawng dik turin a chah.

Aviation security training buatsaih
Mizoram police-a inspector, sub-inspector leh assistant sub-inspector-te tana ni nga awh training chu nimin khan Aizawl SP pisa conference hall-ah ṭan a ni a, DGP Thianghlima Pachuau-in a hawng. Training on Aviation Security hi March 6-10 chhungin neih a ni dawn a, Aizawl SP pisa conference hall bakah, Lengpui Airport-ah neih a ni ang. Training-ah hian police officer 40 an tel a ni.