NIAS chhui tura ruat duh lo

MPC party chuan thuchhuah siamin, Nalanda Institute of Advance Studies (NIAS), Kolkata-a Mizo zirlai 32 tirh leh a kaihhnawih thil hrang hrang chhui tura sorkarin Lalchhunga, IPS (Rtd.) a ruat chu an duh loh thu an tarlang a; chhui tura ruatna sût turin an phût.

MPC thuchhuah chuan, "Pu Lalchhunga leh a hote hi Mizo mipuite rinhlelh kai an nih avangin order hi sût leh ngei turin sorkar kan phût. Lunglei Greater Water Supply Scheme chhui tura Parliamentary Enquiry Commission din tura khatih laia opposition party Pu Lalsawta ten Pu Hawla an nawr, huaisen taka pawma Pu Hawla’n amah chhuina tura enquiry a din ngam ang khan, NIAS-a thil dik lo awmte chhui chianga Parliamentary Enquiry Commission din ngei turin Mizoram sorkar kan phût a ni," an ti.

PRISM pawhin nimin khan thuchhuah siamin, MBOCWWB leh sum chingpen chhui tura sorkarin Lalchhunga a ruat chu an thlâk a nih loh chuan High Court-ah an zualko tur thu an tarlang.