Ram kâng ven dan zirho

North Vanlaiphai Forest Division leh Hrangturzo Weekly Newspaper ṭang­kawp chuan, nimin khan North Vanlaiphai Forest Rest House-ah 'Fire Management cum Wildlife Protection Training' an buatsaih a; ram kâng leh nungcha humhalh chungchang an zirho.

Training-ah hian N. Vanlaiphai DFO NR Pradhan chuan firewath­cher-te hnathawh dan tur hrang hrang leh an kalphung turte a sawifiah a; ACF Lalnunngila'n ram kâng ven dan tur kawng hrang hrangte a sawi­fiah. Chawhnu lamah Hrang­turzo editor R Lalhming­hlua'n ram kângin ramngaw leh nungchate a nghawng dan a sawi bawk.

North Vanlaiphai Forest Division huam chhungah hian YMA branch 10 ten fire­watcher hna an thawk dawn a; an kawtchhuahah ṭheuh duty gate siamin, ni tin an duty ṭhin dawn a ni.