Disaster Management & Rehabilitation team-te'n Mipui zirtir hna thawk chhunzawm

Disaster Management & Rehabilitation (DMR) team chuan Champhai district-a khaw hrang hrangah chhiatrupna a thlen thulha invèn lâwk dan mipui zirtir hna an thawk chhunzawm zel.

DMR team hian July 11, Inrinni zing khan Khawbung Zawlbukah mistiri chi hrang hrang - concrete in sa ṭhin, lungrem leh thing in sa ṭhinte ko khawmin, lirnghing laka in sak dan him leh lirnghing tihhmelhem thawm ṭhat dan tur an zirtir a ni.

Team leader Lalrinawma Ṭaite chuan, mistiri-te chu mithiamte thusawi ngai pawimawha zâwm hram hram turin a chah a; hruizén, tuffpaul­in, khawnvar leh hliam sawngbawlna damdawi leh lehkhabu khawtlang hruaitute hnenah a hlân nghal.

DMR assistant director (Training) Lalbiakzuala chuan, Mizoram khawchhak lama lir­nghingin in a tihchhiatte chu a ban aṭanga beam thlawh chhuahtir leh in hnuai lam beam leh ban rem phui loh a nih tlangpui thu a sawi a, "Hetianga in sak hi lir­nghing lakah a him lo hmasaah a ṭang zel. Zone-V huam chhunga awmte tan leirawhchan (brick) a bawk zawnga rem hrâm a him a ni," a ti. DMR team hian Inrinni vêk khan pípu sûlhnu hmun hlui, Lianchhiari Lunglen Tlang leh Ṭhasiama Se No Neihna tlang him leh him loh an endik bawk.