HFW Secy-in Champhai damdawi-in tlawh

Health & Family Welfare secretary H Lalengmawia chuan July 11, Inrinni khan Champhai District Hospital a tlawh a; TrueNat Quattro Mini PCR bun­na tur hmunhma, Dialysis Unit, High Dependency Unit, Special Newborn Care Unit (SNCU) leh hospital ward-te a tlawh.

H Lalengmawia chuan, Champhai district chu ramri hrúla awm, hmun pawimawh bik a nih avangin sorkarin a ngaihven reng tih sawiin, “Covid-19 laka mipui fimkhur tur leh inven dan turte chiang taka hrilh zel a ṭul. Doctor-te thusawi an zawm ṭhin a, doctor ze dik tak innghahna leh rin ngamna lan chhuahtir a ṭul,” a ti a, uchuak taka Covid-19 hlauhnain harsatna dang, rilru lam thlenga a nghawng theih avangin mipui thlamuan a, fimkhur dan kawhhmuhtu nih tum turin a fuih.