Joseph-a'n Union Home Minister a hmu

Commerce & Indus­tries changtu parlia­mentary secretary Joseph Lalhimpuia chuan, nimin khan New Delhi-ah Union minister of state for Home Kiren Rijiju a kâwm a; India leh Bangladesh-te Tlabung kaltlanga in­sumdawn tawn­na, Kawr­puichhuaha Inte­grated Check Post (ICP) din tur chungchang a sawipui.

Kawrpuichhuah ICP chungchangah hian Home Ministry nen indawrin, Bangladesh sorkar pawh biak a ni tawh a, Tlabung aṭanga Kawrpuichhuah panna tur kawngpui, km. 19-a thui laih mek a ni.

Union External Affairs Ministry-in inkalpawhna siam dan turah hian Home Ministry kaltlangin Bangladesh sorkar a dawr a, Bangladesh sorkar chuan December 2016 thla tìr lam khan joint inspection neih nise tiin a rawt a; hei hi a remchan loh avangin Mizoram sorkar chuan April 2017 tìr lama joint inspection nei turin sorkar laipuiah rawtna a thlen a ni, chumi chungchang chu Joseph Lalhimpuia chuan Kiren Rijiju a sawipui a ni.