Lìrnghîng tuarte thlamuan zel

Disaster Management & Rehabilitation department leh Mizoram University hmalaknaa Psychological Support & Guidance Team chuan Mizoram khawchhak lama chêng, tun hnaia vawi eng emaw zat lìrnghîngin a sâwi vanga thlabár taka awmte thla­muanin hma an la chhunzawm zel.

Psychological Sup­port & Guidance Team hian July 10, 2020 khan Champhai district-a Tuipuiràl huam chhunga khaw hrang hrangte an tlawh a; lirnghing vanga manganna karah rilru dik an neih theih nan hma an la a ni. Inrinni khan Khawbung community hall-ah team leader Prof. Zokaitluangi, MZU Psychology HoD hoin hun an hmang.

Prof. Zokaitluangi chuan, mihring rilru sûkthlêkin taksa kháwl a tihdanglam theih dan te, mihring zêldinnain hlauhna a siam dan te, hlauhna chu mihringa awm, mihringte himna atana pawimawh a nih rualin, awmze nei loa hlauhnain mihring himna a tihderthâwn theih dante a sawi a; zawhna leh chhànna hun hman a ni bawk.