Ramngaw humhalh zirho

Lawngtlai District Level Committee on Afforestation and Conservation chuan, nimin khan DC conference hall-ah ramngaw humhalh zirna an buatsaih a, DC Dr A Muthamma-a'n a hmanpui.

Lawngtlai DC chuan, tun hma chuan Mizoram chu ramngaw chhah takin a khuh tih sawiin, "Nungcha chi tinrêng awmna a ni ṭhin a, tun hnaiah ngaw kan ṭhiah nasat avangin sik leh sa pawh a mumal thei ta lo a, ngaw ṭha siam leh tura ṭan kan lak a ṭul tak zet a ni," a ti a; ram­ngaw humhalhna tura ngun taka an ngaihtuahna sêng turin kalkhawmte a sáwm.

Zirhonaah hian Mizoram Environment & Forest Consultative Forum gen. hqrs. hruaitute'n ramngaw humhalh kawng­a an hmalakna hrang hrangte an sawi.