Serlui group YMA-in conference nei mek

Serlui group YMA chuan March 7, 2017 aṭang khan Vairengte-a multipurpose hall-ah conference vawi 9-na an hmang ṭan a, zaninah a ṭiak ang. Conference thupui chu, ‘Ram leh hnam humhalh’ tih a ni.

Serlui group YMA conference-ah hian president C Lalhmachhuana kaihhruaiin rorel inkhawm neih a ni a; an tuh pawm zingah, YMA member-te'n khawhar hla tam zawk an thiam theih nana hmalak te, an huam chhungah zirnain hma a sawn theih nana hmalak leh, YMA letter head inang tlanga hman a nih theih nan Central YMA-in hma a lak theihna turin Kolasib sub-headquarters-a thlente a tel.

Serlui group YMA-ah hian YMA branch 28 awmin, member 7,130 an awm mek a; conference-ah hian lengkhawm zai, hnam lâm leh volleyball hmangin branch hrang hrangte an intihsiak a ni.