Sialsuk doctor chhuitu tur ruat

Sialsuk Primary Health Centre (PHC)-a medi­cal officer Dr Linda Lalbiak­nungi chêt dan leh damdawi-ina damlo enkawl lai Lal­rengpuia chhuah­tir chung­chang chhui chiang turin Health depart­ment chuan Aibawk BDO Chinlianmanga a ruat.

Health & Family Welfare department thuchhuahin a tarlan danin, thil thleng chhui chiangtu tur Chin­lianmanga hi June 10, 2022 ral hmain HFW Secretary hnenah report thehlut tura tih a ni.

Damlo chunga Dr Linda Lalbiaknungi chêt dan leh damlo Lalrengpuia, Sialsuk chunga a thil tih dante'n tun hnaiah social media hrang hrangah sawi a hlawh hle a; Dr Lalbiaknungi chu damdawi-in aṭanga Lalrengpuia hnawt chhuakah puh a ni.

Social media lama tarlan danin, Dr Linda Lal­biak­nungi hian canteen-ah Rs 1,000 a ti bo a, pawisa rutu-ah Sialsuk damdawi-ina damlo enkawl lai Lalrengpuia chu puhin, damdawi-in aṭangin a hnawt chhuak a ni. Lal­rengpuia chu damdawi-in aṭanga a chhuah tûkah a thi nia sawi a ni bawk.

Sialsuk aṭanga thu dawn danin, Lalrengpuia hi damdawi-in aṭangin May 12, 2022-ah chhuahtir a ni a, May 13, 2022 zanah a thi a ni.