Mizoramah party induksakna atan Central scheme-te hman ṭhin a ni - BJP President

BJP, Mizoram Pradesh president Vanlalhmuaka chuan BJP-in sorkar laipuia kum 8 chhung sorkarna an chan pualin BJP sorkar hmalakna hrang hrangte nimin khan thuthar thehdarhtute kâwmin a puangzar a, "Mizoramah central scheme hrang hrangte party induhsakna atan hman ṭhin a ni," a ti.

Vanlalhmuaka chuan, BJP sorkarna state-ah chuan central scheme-te mipui hmuh theih turin kawng sírah an tàr ṭhin thu sawiin, "Mizoramah chuan central scheme-te hi tlangzarh a ni ngai lo. A theih chin chinah party induhsakna atan an hmang a ni," a ti a, sorkar laipui hmalaknate chu an hmalakna angin Mizoram sorkar chuan hman a tum ṭhin thu a sawi.

Mizoramah central scheme hrang hrang hlâwkpui a nih dan an enfiah mek thu sawiin Vanlalhmuaka chuan, "Mipui hnen a thlen chuan mipui rawngbawlnaah kan ngai. Mipui hnen a thlen zel theihna atan hma kan la zel a ni," a ti.