Serchhip Career Coaching Centre hawng

Serchhip College leh Mizoram Youth Commission (MYC)-te’n Serchhip College-a Career Coaching Centre an din chu nimin khan bialtu MLA Lalduhoma’n a hawng. MLA chuan, zirtirtu post ruak tam lutuk leh sikul in chhia tam lutuk karah result ṭha neih a harsat thu a sawi.

Centre coordinator Dr Zarzosanga sawi danin, Coaching Centre hi kum 2014 khan UGC aṭanga sum hmuh hmangin kalpui a ni tawh a, zirlai an hmuh ṭhat loh avangin a tàwp. Bialtu MLA-in Rs 2,00,000 a pek hmangin bul ṭan ṭhat leh a ni a, MYC nen inremna siamin, MYC-in Rs 2,80,000 a pe leh dawn. Batch khatna chu kumin May thla aṭangin kalpui niin, zirlai 24 an awm a, June 6 aṭangin batch hnihna ṭan tur niin, mi 42 an inziak lut tawh a ni.