Oil depot siam tum thlirho a ni

Food, Civil Supplies & Consumer Affairs (FCSCA) minister K Lalrinliana hoin nimin khan a pisaah Mizorama tuialhthei dah khawlna (oil depot) siamna tura ruahman Sihhmui leh Bairabi-a ram en mek feasibility study (a hman theih dawn leh dawn loh zirchianna) neih tawhna report thlirho a ni.

FCSCA Minister hoa sawihona neih zawhah chief minister Zoramthanga hoin sawiho lehnghal a ni a; Chief Minister chuan Mizoramah oil security a awm theih nan theihtawp chhuaha hma la turin a chah.

Sorkar thuchhuah tarlan danin, ṭhutkhawmah hian Indian Oil Corporation (IOC) aiawhte chuan kumin chhungin ram lei fel an tum thu leh oil depot chu kum 2-3 chhunga siam zawh theih an inbeisei thu an sawi.