BCM-in zu zawrh titawp tura Sorkara ngenna thlen an rel

Baptist Church of (BCM) rorelna sang ber, Assembly vawi 121-na chu March 8, 2017 zan khan Chanmari, Lungleiah ṭan a ni a; Mizorama zu zawrh tihtawp a nih theih nan Mizoram sorkara thlen an rel a, fa nei tam tura inzirtir an rél bawk.

Nilaini zan khan BCM president Rev. Lal­thangliana Hnamte kaihruaiin Assembly hawnna inkhawm neih a ni a, general secretary Rev. F Ramdinmawia'n report a pe. Nimin chaw­hnu lam thleng khan palai 1,050 an thleng tawh.

Nimina rorel in­khawm­ah president kal chhuak Rev. Lal­thangliana Hnamte-in president thar Rev. H Lianngaia hnena mawhphurhna a hlan hnuah rorel a ni a; Mizoram sorkarin zu a zawrh tihtawp a nih theihna turin BCM-in Mizoram sorkarah thlen ni rawh se, an ti.

Nimina an thurel zing­ah, fa neih tam inzirtirna kalpui te, BCM pum huap­in ram tan chaw ngheia ṭawngṭai rual neih te, rambuai laia BCM hruaitu, mipuite thlavâng hauha bán phartute chhui chhuaha BCM Assembly hminga chawimawina pek te, Sap Upa leh Pu Buanga te hriatrengna lungphun district tina siamte a tel.

BCM Assembly-ah hian am pawn aṭangin palai eng emaw zat an tel. Mizoram chhung aṭangin Presbyterian Kohhran aiawhin Synod secretary Rev. Lianhmingthanga Sailo leh Upa CH Thang­khuma te an tel a, Evange­lical Church of Maraland, LIKBK leh IKK aiawhte an tel bawk. Rorel inkhawm hi vawiin leh naktukah chhunzawm a ni ang.