NEDP vil zui turte an ṭhukhawm

New Economic Development Policy (NEDP) vil zuitu tur, Monitoring & Evaluation Committee chu nimin khan NLUP conference hall-ah an ṭhukhawm a, hmalak dan tur an sawiho.

Committee chairman H Liansailova, Planning Board vice chairman chuan, NEDP hlawhtlinna tur chuan a kalpuitu sorkar department-te'n tih tak zet leh ṭhahnemngai taka hna an thawh a ngaih dawn thu sawiin, "Sorkarin department-te hmalak dan a enpui reng dawn a, inthlahdah a rem lo," a ti a; a khát tâwkin Monitoring Committee chu an ṭhutkhawm ṭhin tur thu a sawi.

Planning secretary Dr C Vanlalramsanga chuan NEDP kalpui dan tlangpui a sawifiah a, "Department ṭhenkhatte'n chak taka hma an lak laiin, department ṭhenkhatte hmalakna erawhin duhthu a sam lo. NEDP Operational Guidlines hmanga chak taka hma la turin department zawng zawngte kan ngen a ni," a ti.