Hmeichhe Inkhawmpui Lian ṭan

Mizoram Presbyterian Kohhran Hmeichhe Inkhawmpui Lian vawi 47-na chu, nizan khan Ser­chhip Leisekawt Field-a pandal sakah ṭan a ni a, Pathianni zanah a ṭiak ang.

Hmeichhe Inkhawm­pui Liana tel tur hian nimin khan Mizoram hmun hrang hrang aṭangin Serchhip an pan khawm a, nizan khan palai lawmna inkhawm neih niin, Synod moderator Rev. Lalzuithanga'n thuchah a sawi. Vawiinah Serchhip Kawnpui biak-inah rorel inkhawm neih a ni ang.

Inkhawmpui neihna pandal chu a dung ft. 183 leh a vâng ft. 180-a zau a ni a, mi 9,500 lêng tura beisei a ni. Inkhawmpui thupui chu ‘I Pathian tâwk turin inpeih rawh’ tih a ni a, speaker chu Upa C Ngurthantluanga a ni.