Motor chesualah mi 2 thi

Nimin chhun dar 1 vel khan Bolero motor MZ-02 A-8199, Lunglei aṭanga Aizawl pana tlân chu Sialsuk dáiah chesualin kawng thlangah a lum a, chetsualna hmunah mi pahnih an thi. Motor-ah hian driver nen mi pathum an chuang nia thu dawn a ni.

Lunglei Venglai Branch YMA president T Lalhlimpuia hnen aṭanga thu dawn danin, chetsualna hmuna thite hi K Zorinpuii (21) d/o Flory Lalnuntluangi, Lunglei Venglai leh motor khalhtu Arawang M Pame (Naga) te an ni a; Flory Lalnuntluangi d/o Ngaihkhama Ralte pawh hliamin, Sialsuk damdawi-inah hruai nghal a ni.