MPF duh danah harsatna kan nei lo - CM Hawla

Congress party presi­dent Lal Thanhawla chuan, kum 2018-a Assembly inthlanpui awm turah Mizoram People Forum (MPF)-te'n dan leh hrai an siam duh a nih pawhin an party-in harsatna an neih loh thu a sawi.

Lal Thanhawla hian nimin khan Congress Bhavan-ah thu sawiin, "MPF-te'n hma an la nasa a, a lawmawm. Keini party hi Mizoramah chuan ven ngai lo ber party kan ni hial awm e. Inthlanna zalen leh kalphung ṭha leh mawi hi kan party aṭangin a awm reng a ni. MPF-te'n dan leh dûn eng emaw siam an duh a nih pawhin keini party lam aṭang chuan engmah harsatna awm lo," a ti.

Nakkum inthlan hun­ah an party sorkar lehna dâl theitu an awm lo tih sawiin MPCC President chuan, an party MLA 34 leh Congress party mite bak lo chu an sorkar lehna dâltu tur an awm loh thu a sawi a ni.