Ngaihhnathiam turin sorkar ngen

ZNP chuan thuchhuah siamin, Mizoram sorkarin kumina lo/huan hâl hun hnuhnung atana March 15, 2017 a ruat chu ṭha an tih thu an tarlang a; chutih rualin, khaw awm danin a zir loh vanga a huna hâl thei lote ngaihhnathiamna nei turin sorkar an ngen.

ZNP chuan, kum 2016 khan khuain a bumro vang­a lo/huan a huna hâl thei lo Mizoramah khaw 50 (chhungkaw 76 chuang) an awm thu sawiin, "Heng zing­ah hian district ṭhen­khatah thubuai siamsak an ni kha pawi kan ti a, hetiang hi a thlen tawh loh nan Mizoram sorkar thuneitute hma la turin kan ngen a ni," an ti.

ZNP chuan, ram kâng vên chu mi tin mawhphurhna a ni tih hre thar turin mipui an chah a; mahni awmna hmun ṭheuhah sorkar thâ tichak zawnga theihtawp chhuah vek turin an ngen bawk.