EDS inhrilhfiahna hun buatsaih

Ningani khan Champhai College-ah, New Economic Development Policy (NEDP) hnuaia Enterprenuership Development Scheme (EDS) sawifiahna leh a tum bulpui inhrilhriatna hun buatsaih a ni a, chief secretary Lalmalsawma'n a hmanpui.

Inkhawm hi Champhai DC Vanlalngaihsaka'n a kaihruai a; Chief Secretary chuan, India ram economy ṭhangduang viau mah se, hna thar siam a tlem thu a sawi a, "Sorkar hna thawh tur a tlem vang leh beisei tur a awm loh vangin zirlai tam takin sikul kal an chawlhsan mek. Sorkar leh ram hmasawnna thlentu leh mi chhenfakawm ni turin pianpui thiamna hmanga eizawnna nghet ngaihtuah a pawimawh. He mi kawng kawhhmuhna atan hian Mizoram sorkarin EDS-ah tun sorkar kum chhungin cheng nuai 200 a dah a ni," a ti.

Inkhawmah hian sorkar department hotute, Champhai College zirlaite leh Champhaia higher secondary school zirlaite an tel a, zawhna leh chhanna hun hman a ni.