Naupang zirna tumsak thei

Mizoram State Council for Child Welfare (MSCCW) general secretary Rozami chuan, kum 2022-23 academic session-ah middle school leh high school naupang, chhungkaw khawsak harsatna avanga sikul kal chhunzawm hlei thei lote tan sponsorship an pek theih thu a tarlang.

MSCCW General Secretary chuan, sponsorship atana inkaihhruaina siam a nih tawh thu leh dil dan leh ṭul dangte tihchhuah thuai a nih dawn thu tarlangin, "Kum 2021-22 sikul session-ah khan kum 6-18 inkar, chhungkaw khawsak harsa (BPL)-te tan Indian Council for Child Welfare-ah naupang 53 tan MSCCW chuan sponsorship, naupang pakhat tan Rs 5,000 a dilsak a, sanction hmuh tawh niin, tunah hian naupangte bank account-ah thun tura buaipui mek a ni," a ti.