ATI-in silver jubilee lawm

Mizoram UPC Pathian thu zirna, Apostolic Theological Institute (ATI) chuan nimin khan an kum 25-na, silver jubilee an lawm a, Rajya Sabha MP K Vanlalvena'n a hmanpui.

Jubilee lawmna hi ATI Chapel, Durtlangah neih a ni a, ATI principal Rev. P Lalrinawma'n a kaihruai. Khuallian K Vanlalvena leh Mizoram UPC general superintendent Rev. Thangliansanga ten thu an sawi a, jubilee dar an vaw bawk.

ATI hi June 2, 1997-ah bul ṭan a ni a, Durtlang lal M Suaka in luah hawhin Durtlang Mual vengah bul ṭan a ni. Tunah hian zirlai 49 an awm mek a, mipa 44 leh hmeichhia panga an ni.