CM leh NDMA member inkâwm

Chief minister Zoramthanga leh National Disaster Management Authority (NDMA) member Krishna Swaroop Vasta te chu June 1, Nilaini khan Chief Minister Banglaah an inkâwm a, khuarêl chhiatna kaihhnawiha inven dan tur leh hmalak dan turte an sawi dûn.

CM Zoramthanga chuan, eng pawh thleng se, mipui rilruah hmachhawn thei tura inpeihna tuh a, a taka hmalak leh inrálrinna tur ruahmanna siam chu a ṭàwmpui thu leh, a theih chin chinah ruahmanna changtlung tak siam a nih tur thu a sawi.

Krishna Swaroop Vasta chuan, lirnghing leh chhiatrupna thleng thei dang chungchanga Mizoramin Disaster Management Plan a neih mek chuan invênna lam aiin, chhiatna thlen hnua hmalakna leh chhawmdawlna (response leh relief) lam a thlûrbing deuha a lan thu a sawi a; state department hotute nen an sawiho hnuah plan chu ennawna siamṭhat a ngai nia an hriat thute a sawi bawk.

Inkawmnaah hian Disaster Management & Rehabilitation additional secretary Vanlalmawia pawh a tel a ni.