Khawlzawlah strongroom tur enfiah

Joint chief electoral officer David L Pachuau chuan nimin khan Khawzawlah vote thlâkna kháwl EVM/VVPAT dahṭhatna pindan, strong room sakna tur hmun a enfiah a, district election officer CC Lalchhuangkima leh sorkar official pawimawh dangte’n an ṭawiawm.

EVM dahṭhatna tur EVM Strong Room hi Khawzawl Dinthar Venga DC Office building thar sak mek chhawng hnuai ber dawttu a awm tura ruahhman a ni. A zau zawng hi a dung metre 10 leh a vang metre 5 a ni dawn.

Strong Room bulah hian guard room 1, metre 5 biala zau a awm dawn. Strong Room sak turah hian CCTV camera, fire extinguisher leh exhaust fan-te dah nghal tura ruahman a ni bawk.

Strong Room sakna tur hmun enfiah zawh hian Jt. CEO hi DC Rest House-ah Khawzawl district mamawhte leh thil ṭul dangte sawipui a ni bawk.