Khaw awm dan thlir chungin Lo hal tawp ni sawn tum

Mizoram sorkar chuan khaw awm danin a zir loh chuan kumina lo hâl hun hnuhnung, March 15 tih chu sawn hlat theih a nih thu a tarlang a, "Khaw awm dan azirin lo hal hun tawp hi ruat a ni ang," a ti.

March 10, 2017-a PCCF leh State Level Fire Prevention Commi­ttee secretary Lalram Thanga'n hriattirna a chhuahah chuan, "Kuminah rin aiin ruah a sûr hma a, Meteorological department-in March 10 & 11 hian ruah sur tur angin a sawi bawk a. Ruah sur hma lutukin a bumro avangin March 15 thlenga lo hâl hman lote chu ngaihhnathiam an ni ang," a ti a, lo hâl hun tur chu DC-te'n DLAO leh V/C-te beráwn chungin khaw awm dan azirin âwm an tih hun (March thla chhung)-ah ruat a nih tur thu a tarlang.

Committee on Fire Pre­vention chuan kang­mei a chhuah lohna atan lo hal hun tur hi a bituk ṭhin a, kuminah pawh kum dang angin lo hal hun hnuhnung atan March 15 an ruat a ni.